學做富爸爸

  初期接觸保險 記得細個時候屋企人已經有買保險, 可能Agent 本身同父母係舊鄉里關係, 好多事係講個信字, 全家就咁就買左人壽保險.  (可能當年未有咁多不同類型保險產品或Agent唔 Sell) 而去到十幾二十歲, 每當Agent 上黎review 保單 (舊一代係登門造訪), 爸爸就會要我一齊聽埋. 咁聽得多大約有個概念, 加上爸爸成日覺得供咁耐得個吉, 我對保險印象係 傾向負面 .  踏入社會工作 讀完書出黎工作, 知道或者接觸多左, 因為身邊總會有同學,朋友係做左保險經紀, 第一個感覺係如果搵得你, 都係黎 Sell 你買保險, 感覺都係抗拒. 但後尾年紀大了, 覺得自己只有一份 人壽保險 , 萬一身體有病要醫, 好似唔係好幫到手. (人壽保險其實係對醫病無用, 受保人死後賠償畀家人) 當時了解過後, 就買左危疾保險, 要供大約20年, 有儲蓄成份, 保到終身. (MassMutual 美國萬通人壽保險公司, 宜家改左名 ) 美國萬通 https://corp.yflife.com/   了解自己 定位保險角色 近幾年主動去吸收好多投資知識, 當中有個好緊要概念 "風險管理", 投資入面好常聽到係組合入面要多元化, 分散風險. 作用係追求回報同時避免有極大損失. 同樣概念令我意識到可以套入整個生活度, 保險對我黎講只係一個分散風險的工具.