學做富爸爸

  長債投資回顧：由收息到提早減持的反思  2025 年 8 月，我買入了一批長債。  當時的想法其實好簡單：收息，等減息。  本來我一直預期，只要利率開始回落，債價就有機會反彈。   對我嚟講，呢類部署最吸引之處，就係可以一邊收息，一邊等市場幫自己慢慢兌現回報。  買入時的想法  我當時部署呢筆長債，核心邏輯係：  收息為主  等減息帶動價格回升  用時間換回報  坦白講，當時並唔係諗住短炒，而係想做一筆比較穩陣、比較有耐性嘅持有。  而且從風險回報角度睇，呢類交易對我一向都有吸引力：  如果買入時價格已經有一定折讓，再配合收息，理論上可以做到一個唔錯嘅總回報。  市場變化令我提早減持  不過市場往往唔會跟住自己個劇本走。  去到今年 4 月、5 月，市場開始出現另一種預期：有機會唔係減息，反而有加息壓力。  基於呢個判斷，我就按原先設定嘅價位分段減持，最後未能完全 hold 到最後。  呢個決定其實係來自宏觀判斷多過其他因素。  如果純粹由標的本身去睇，我本來係想繼續持有，等收息慢慢發酵。  最後結果：其實正回報唔差  雖然中途沽出，但如果翻查記錄，呢筆交易最後仍然係正回報。  期間大概收咗 USD 300 利息，粗略計算，年化回報大約有 15%。  以一筆本來打算「收息等時間」的部署嚟講，呢個結果其實唔算差。  至少由結果睇，呢筆交易並冇因為提早減持而變成一筆失敗的投資。  事後反思：OXY 其實可能值得繼續持有  回頭睇，我覺得自己當時有少少過早反應。  本身我一直都係諗住靠收息等減息到來，但因為宏觀預期一變，就提早 set 價減持。  事後睇，其實 OXY 都係好野，如果當時繼續 hold 住收息，未嘗不可。  換句話講，問題未必係資產本身，而係我對宏觀環境變化反應得太快。  有時市場消息一轉，人就容易急住調整，但未必每一次都需要咁快出手。  我今次學到的事  呢次回顧令我更加肯定一點：  收息策略本身冇問題，關鍵係你點樣理...