學做富爸爸

投資美股已一年  不經不覺又過了半年, 繼上一次再平衡後, 學做富爸爸組合的美股部份又到時間Review.  再平衡 Rebalance 今次除了再平衡外, 更調整倉位比例. 先把結果顯示.  原本RQI 及PTY 佔比例較多, 主力收息. 現時要調整為VOO 大市佔比例最大.  事源較早一段時間, PTY 升得非常高但後來也突然因減派息而跌得非常急. 波幅也頗大, 基本上PTY也是債基, 派息雖高及優質, 但長期Premium 溢價, 加上波動性比較大, 想了又想, 最後都是把倉位佔比降低, 令自己持倉更加安心. PTY PTY 長期3成的Premium RQI 也減少倉位比例, Reits 市場依舊繼續投資, 只是想自己安心持有, 唯有將資金放在大市. (當然受到近期閱讀幾本書的影響)  ARKK 熱潮過去, 股價有停滯不前感覺, 契媽都畀人鬧到傻. 但之前睇過報導, 契媽下面的分析員並不是傳統金融出身, 而多數是唔同行業入面的專才, 可以發掘到公司是否有領先技術再去投資, 繼續相信契媽但都係果句, 安心為上, 所以比例上也減少. 長期投資安心很重要 之前倉位設定只有計及一啲實際數字, 就算知道波幅幾多可以承受各樣都好.  但去到最後, 心理層面很重要, 能唔能夠安心持有, 夜晚會否心掛掛, 訓得好唔好. 呢啲全部要做實際操作時才感受到.  組合角度提升自己視覺 今次再平衡操作, 可以話係迫自己進行, 因為今次的操作並唔係完美地做到 "高賣低買" ,  反而當中是有 高位買入VOO (提高持倉比例) 低位沽出PTY, ARKK (低於成本價減持) 在整體組合再平衡後仍然是賺錢中, 但對自己黎講已經有莫大改變, 因以往好多時只會沽出賺的, 輸錢的就不會沽, 所以有蟹貨在手的"窮爸爸組合".  😢 只要一直都會買入的話(月供/定期買入), 而股市長期上升的話, 今次的買入價比上一次的買入價高並不出奇.  提升自己視覺, 整體去觀看成個組合或投資先有進步.  牛牛入面有個組合功能可以紀錄自己持倉及調整倉位, 也可比較大市表現. 所以"學做富爸爸"美股部份計算回報交給牛牛代勞, 也沒有深究是否計得正確.  希望保持住大約半年再平衡以及繼續定期投入資金到組合入面.  相關 再平衡之藝術 Rebalancing